„იმისათვის, რომ მოსკოვმა „კეთილი ნება“ გამოავლინოს, რეგულარულად უნდა დავამარცხოთ. მოკლედ - მეტი იარაღი და უფრო მალე იქნება მშვიდობა ნაცისტური სიმბოლო Z-ს გარეშე“, - ამის შესახებ უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი „ტვიტერზე“ წერს, რითაც ეხმიანება რუსეთის თავდაცვის სამინისტროს კომენტარს, რომ კუნძულ „ზმეინიდან“ რუსი სამხედროების გაყვანა "კეთილი ნების ნიშნად განხორციელდა".

„ყველაფერი გეგმის მიხედვით? კიდევ ერთხელ, როგორც "კეთილი ნება", რუსული ძალები გაიქცნენ კუნძულ „ზმეინიდან“ - დადასტურებულია რუსეთის თავდაცვის სამინისტროს მიერ. ასე რომ, იმისათვის, რომ მოსკოვმა კეთილი ნება გამოავლინოს, რეგულარულად უნდა დავამარცხოთ. მოკლედ - მეტი იარაღი და უფრო მალე მშვიდობა ნაცისტური სიმბოლო Z-ს გარეშე“, - წერს პოდოლიაკი.