„თავისუფალი დემოკრატების" გენერალური მდივანი, ალექსი პეტრიაშვილი, 26 თებერვალს მასზე თავდასხმის პროცესს დეტალურად გადაცემა „არჩევანში" იხსენებს და ექსკლუზიურად ყვება მომხდარზე.

ალექსი პეტრიაშვილის მტკიცებით, თავდამსხმელი ცდილობდა, მისთვის მძიმე დაზიანებები თავის არეში მიეყენებინა.

„ეს არ იყო უბრალო დაზიანება. ჩაქუჩი ხვდება ადამიანს თავის ქალაში, თავის არეში, მარტო ესეც კი საკმარისია. სახის და თავის მიმართულებით ახორციელებს თავდასხმას ჩაქუჩით და ეს არის პირდაპირი მცდელობა მკვლელობის," - განაცხადა ალექსი პეტრიაშვილმა.

პეტრიაშვილის თქმით, მეორე თავდამსხმელი მოგვიანებით ბეისბოლის ბიტის და ცეცხლსასროლი იარაღის გამოყენებით ჩაერთო ჩხუბში.