დღეს „დინამო არენაზე", მატჩის დასრულების შემდეგ, ვიღაც ქალბატონს გასასვლელისკენ საშუალო ასაკის უსინათლო მამაკაცი მიჰყავდა. ეს უკანასკნელი გასასვლელში გაჩერდა, მოედნისკენ მიბრუნდა და "სირცხვილია დინამო!!!" რამდენჯერმე დაიყვირა. ეს ადამიანი ვერ ხედავდა იმ საშინელ თამაშს, რაც ჩვენმა ბიჭებმა უჩვენეს, უბრალოდ უსმენდა ხალხის შეძახილებს და საყვარელ გუნდს ასეთ მდგომარეობაშიც გვერდში ბოლომდე, 90 წუთის განმავლობაში ედგა იმ ხალხისგან განსხვავებით, რომლებიც გაშვებულ გოლზე სახლისკენ გაემართნენ.

მესმის, რომ არავის უხარია დამარცხებული სახლში წამოსვლა, მაგრამ მოგებულის გულშემატკივრობა იოლია, წაგებულთან შედარებით, მოგებას კი მხოლოდ ის 11 ადამიანი ვერ მიაღწევს, რომელიც მოედანზეა...