ჩეჩნეთის ლიდერი რამზან კადიროვი აცხადებს, რომ მისი „არმია“ რეალური ბრძოლის კადრებს განზრახ არ აქვეყნებს, რადგან კონტენტს ბავშვებიც უყურებენ.

მისივე თქმით, რეალურად, უკრაინის არმია ყოველ ბრძოლაში ასზე მეტ ადამიანს კარგავს.

„მარტო ერთი ბრძოლისთვის, საშუალოდ, ასზე მეტი ნაცისტი, ბანდერა, შაიტანი და ყველა დანარჩენი ნაგავი იგზავნება ჯოჯოხეთში. ეს არის ფაქტი, რომელსაც დროდადრო სანდო დაზვერვა ადასტურებს.

ჩვენ აქ არ ვაქვეყნებთ ასეთ კონტენტს, რადგან არხი შეიძლება გამოიწერონ არასრულწლოვანმა პირებმა, სუსტი ფსიქიკის მქონე პირებმა და ა.შ.“, - განაცხადა კადიროვმა.