მსახიობი გოგა პიპინაშვილი  მანდილოსნებს ქალთა დაცვის საერთაშორისო დღეს, 8 მარტს ულოცავს.

„ყველა ქალბატონს მინდა მივულოცო დღევანდელი დღე, თუ რა თქმა უნდა ეს მათთვის მისაღებია. ხანდახან ამ დღესასწაულს კლარა ცეტკინს უკავშირებენ და ამიტომ არ არის ყველასთვის მისაღები. ჩემთვის ყველა დღე ქალბატონების დღეა.

მთავარია სიყვარული და თუ ჩვენ ამ ურთიერთობებს შევხედავთ, როგორც ბავშვობიდან მოყოლებულ პატარა ჩანახატებს, „დედა- გილოცავ 8 მარტს", რა სიყვარულით სრულდებოდა ის ნახატი, ამ შემთხვევაში ჩემთვის ყველაფერი გასაგებია და თქვენც სწორედ ამ დამოკიდებულებით გილოცავთ 8 მარტს."- განაცხადა პიპინაშვილმა გადაცემაში „პრიორიტეტი."