ქართულ ბაზარზე არსებული კომპანია შპს „პატრიოტი 2006" პროდუქციის გაფართოებას და დამატებით მაღალი ხარისხის წებო-ცემენტის წარმოებასა და რეალიზაციას შეძლებს.

შპს „პატრიოტი 2006"-ის ძირითად სამიზნე ბაზარს წარმოადგენს ქვეყნის შიდა ადგილობრივი ბაზარი, თუმცა კომპანიაში წარმოებული ევროპული ხარისხის პროდუქცია  ხელს შეუწყობს პროდუქციის ექსპორტს და ქვეყნის გარე ბაზრების ათვისებას.

საწარმოში ამჟამად 220 თანამშრომელია დასაქმებულია, ხოლო ბიზნესსაქმიანობის გაფართოების შემდგომ, რომელიც 2016 წლის ოქტომბრის თვეში იგეგმება,  დამატებით 25 ადამიანი დასაქმდება. 

შპს „პატრიოტი 2006"  პროგრამის „აწარმოე საქართველოში" ფარგლებში ფინანსური მხარდაჭერით სარგებლობს, რაც იმას ნიშნავს, რომ პირველი 2 წლის განმავლობაში თანადაფინანსებას მეწარმეობის განვითარების სააგენტო განახორციელებს, ხოლო სააგენტოს დახმარებით განხორციელებული პროექტის ინვესტიციის ჯამური მოცულობა  2 200 000 ლარს შეადგენს.

შენიშვნა:

2014 წლის ივნისიდან საქართველოს ეკონომიკისა და მდგრადი განვითარების სამინისტრო და სოფლის მეურნეობის სამინისტრო ახორციელებენ პრემიერ-მინისტრის ინიციატივით შექმნილ ახალ სამთავრობო პროგრამას „აწარმოე საქართველოში," რომლის  მიზანია საქართველოში მეწარმეობის განვითარება, მეწარმე-სუბიექტების მხარდაჭერა, ახალი საწარმოების შექმნის ხელშეწყობა, ამასთანავე კერძო სექტორის კონკურენტუნარიანობისა და საექსპორტო პოტენციალის ზრდა შესაბამისად, პროგრამის ფარგლებში ხდება ფინანსურ რესურსებზე ხელმისაწვდომობის გამარტივება, უძრავი ქონებით უზრუნველყოფა და საკონსულტაციო მომსახურების გაწევა.