უკრაინის დროებით ოკუპირებულ ზაპოროჟიეს ოლქში რუსეთის ხელისუფლების დისკრედიტაცია აიკრძალა.

„ზაპოროჟიეს ოლქმა აკრძალა რუსეთის ხელისუფლების დისკრედიტაცია, ასევე ექსტრემისტული ქმედებების გამოვლინება და ნაცისტური სიმბოლოების გამოყენება“, განაცხადა ოლქის ე.წ. სამხედრო-სამოქალაქო ადმინისტრაციის ხელმძღვანელმა ევგენი ბალიცკიმ.

მსგავსი აკრძალვა მანამდე ხერსონის ოლქშიც ამოქმედდა.

ცნობისთვის, რუსეთმა უკრაინის ტერიტორიების შეერთების მიზნით, აღნიშნულ ოლქებში რეფერენდუმების ჩატარება რამდენჯერმე დაგეგმა.