თბილისში აზერბაიჯანისა და სომხეთის საგარეო საქმეთა მინისტრების შეხვედრას საქართველოს საგარეო საქმეთა მინისტრი ილია დარჩიაშვილი ეხმაურება.

„ძალიან ამაყი ვარ იმით, რომ თბილისი მასპინძლობს შეხვედრას აზერბაიჯანის საგარეო საქმეთა მინისტრ ჯეიჰუნ ბაირამოვსა და სომხეთის საგარეო საქმეთა მინისტრ არარატ მირზოიანს შორის. დარწმუნებული ვარ, რომ ჩვენი საერთო ძალისხმევა რეგიონში მშვიდობისა და სტაბილურობის უზრუნველსაყოფად, შედეგებს გამოიღებს“, - წერს დარჩიაშვილი Twitter-ზე.