სუფსაში 60 წლის კაცის ცხედარი იპოვეს, კაცს მდინარეში 3 დღის განმავლობაში ეძებდნენ  - ამის შესახებ ინფორმაციას „გურიის მოამბე“ ავრცელებს.

ოზურგეთის მუნიციპალიტეტის სოფელ კონჭკათის მცხოვრები 3 დღის წინ მდინარეში ჩავარდა, როცა ის თევზაობიდან სახლში ბრუნდებოდა და მდინარე სუფსის გადალახვას ცდილობდა.

როგორც მისმა თანმხლებმა პირმა აღნიშნა, მამაკაცს ფეხი მდინარის გადმოკვეთისას დაუცდა და ჩავარდნის შემდგომ ის მდინარემ გაიტაცა.