უკრაინის პრეზიდენტის აპარატის უფროსის მრჩეველმა ალექსეი არესტოვიჩმა უარყო ინფორმაცია ივან ბაკანოვის ნაცვლად უკრაინის უსაფრთხოების სამსახურის უფროსად მისი დანიშვნის შესახებ. ამის შესახებ მან მარკ ფეიგინთან პირდაპირ ეთერში ისაუბრა.

„მრჩევლის სტატუსი მაძლევს გავლენის იმ ხარისხს, რაც ამ ეტაპზეა საჭირო და ამავდროულად თავისუფლებას. გინდა დილის 8 საათზე ვიყო სამსახურში?... შენ გიჟი ხარ? რომ დამიპირონ სადმე დანიშვნა, მაინც ვიბრძოლებ, რომ არ დავინიშნო“, - იუმორით აღნიშნა არესტოვიჩმა.

მან ხუმრობით დასძინა, რომ ინდოეთში ან „მარსის საელჩოში“ საპატიო კონსულად წავა სამუშაოდ.