„რუსეთთან ცეცხლის შეწყვეტა დაკარგული მიწების დაბრუნების გარეშე, ომს მხოლოდ გაახანგრძლივებს“, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

ზელენსკიმ აღნიშნა, რომ ცეცხლის შეწყვეტა რუსეთს უკრაინის ტერიტორიების შენარჩუნების საშუალებას მისცემს და მხოლოდ წაახალისებს კიდევ უფრო ფართო კონფლიქტს.

უკრაინის პრეზიდენტის თქმით, ცეცხლის შეწყვეტა რუსეთს ძალების მობილიზებისა და შეიარაღებისთვის დამატებით დროს მისცემს.

„რუსეთის ფედერაციასთან კონფლიქტის გაყინვა არის პაუზა, რომელიც კრემლისთვის დასვენების საშუალება იქნება“, - დასძენს ვოლოდიმირ ზელენსკი.