საპარლამენტო უმრავლესობის ლიდერი ირაკლი ჩიქოვანი „მთავარი არხის“ ჟურნალისტის მიერ „ქართული ოცნების“ თავმჯდომარის ირაკლი კობახიძისთვის დასმულ შეკითხვას ეხმაურება, რომლის თანახმად ჟურნალისტმა კობახიძეს უკრაინის ხელისუფლების წარმომადგენლის დავით არახამიას განცხადების შეფასება სთხოვა და ჰკითხა, არის თუ არა მამამისი „კაგებეს“ აგენტი, რაზედაც კობახიძემ ჟურნალისტს უპასუხა, რომ „კაგებეს“ აგენტი მამამისია.

ირაკლი ჩიქოვანი „ქართული ოცნების“ თავმჯდომარეს მხარდაჭერას უცხადებს და ამბობს, რომ ირაკლი კობახიძე ქვეყნის კეთილსინდისიერი პატრიოტია:

„ნუთუ ყველასთვის ასე მარტივია ქვეყნის მოღალატედ გამოგაცხადონ შენ და შენი ოჯახი - დაჟინებით, ყიჟინით გიმტკიცონ ეს შეურაცხმყოფელი სიცრუე? უმძიმესი შეურაცხყოფის, სიმდაბლის და სიბინძურის პროგანდაა რაც ვიხილეთ და არა საზოგადოების ინფორმირების ინტერესი, „კაგებეს“ საუკეთესო ტრადიციებში.

ირაკლი კობახიძე, საქართველოს კეთილსინდისიერი პატრიოტია და მისი ძლიერი ლიდერი! საქართველო და მისი ინტერესებია თითოეული ჩვენგანისთვის უმთავრესი“, - წერს ირაკლი ჩიქოვანი.