თეთრი სახლი აცხადებს, რომ რუსეთის თავდასხმა უკრაინის შავი ზღვის სასიცოცხლო მნიშვნელობის პორტზე ოდესაში, მარცვლეულის შეთანხმებას ეჭვქვეშ აყენებს. ამის შესახებ ინფორმაციას Reuters ავრცელებს.

მედიის ცნობით, თეთრ სახლში განაცხადეს, რომ შეერთებული შტატები საერთაშორისო თანამეგობრობასთან ერთად უკრაინის ექსპორტის გაზრდის ვარიანტების შესწავლას გააგრძელებს.

„ჩვენ ვაპირებთ ყურადღებით დავაკვირდეთ ამას, რათა დავინახოთ, ასრულებს თუ არა რუსეთი თავის ვალდებულებებს ამ შეთანხმებით, რადგან ეს თავდასხმა რუსეთის სანდოობას სერიოზული ეჭვის ქვეშ აყენებს“, - განაცხადა აშშ-ის ეროვნული უშიშროების საბჭოს სპიკერმა.