საქართველოს პრემიერ-მინისტრი გიორგი კვირიკაშვილი დმანისში მხარდამჭერებს შეხვდა. შეხვედრაზე მან განაცხადა, რომ ხელისუფლებამ შეძლო ქვეყანაში სტაბილურობის დამყარება. კვირიკაშვილის თქმით, დღევანდელი მთავრობა ხალხის ინტერესებს ემსახურება.

„ერთი მხრივ, ჩვენ ვართ თანმიმდევრული ევროპასთან და დასავლეთთან ურთიერთობაში, ხოლო მეორე მხრივ, შევძელით, შეგვენელებინა დაძაბულობა, რომელიც არსებობს რუსეთთან, მაგრამ არა ტერიტორიული მთლიანობისა და სუვერენიტეტის ხარჯზე - ეს არის წარმოუდგენელი. ჩვენ ნამდვილად შეგვიძლია ვთქვათ, რომ ვართ მთავრობა, რომელსაც სიამაყით შეუძლია თქვას, რომ ვემსახურებით ჩვენი ხალხის ინტერესებს", - განაცხადა გიორგი კვირიკაშვილმა.