ხერსონის რეგიონალური სამხედრო ადმინისტრაციის უფროსის მოვალეობის შემსრულებლის დიმიტრი ბუტრის განცხადებით, ხერსონის რაიონში დეოკუპირებულია 46 დასახლებული პუნქტი, მაგრამ მაინც სასურველია მოსახლეობის ევაკუაცია უსაფრთხო რეგიონებში, სანამ რეგიონი სრულად არ გათავისუფლდება.

„ხერსონის რეგიონში დღეს უკვე დეოკუპირებულია 46 დასახლება, მათი უმეტესობა ჩრდილოეთით, რომელიც ესაზღვრება დნეპროპეტროვსკის რეგიონს და ზოგიერთი სამხრეთით, მიკოლაევის ოლქის საზღვართან“, - განაცხადა ბუტრიმ.

მისი თქმით, დეოკუპირებულ ტერიტორიაზე „არის სოფლები, რომლებიც პრაქტიკულად 90%-ით არის განადგურებული - ისინი დღესაც მუდმივი დაბომბვის ქვეშაა“.