ხაშური-ბორჯომის საავტომობილო გზაზე ავტოსაგზაო შემთხვევა მოხდა. ავარიას ერთი ადამიანის სიცოცხლე ემსხვერპლა.

არსებული ინფორმაციით, ავარიის დროს ავტომობილში მყოფი 2 პირი დაშავდა და სხვადასხვა სიმძიმის დაზიანებებით, ხაშურის ცენტრალურ საავადმყოფოში, შემდეგ კი თბილისში, პროფილურ კლინიკაში გადაიყვანეს.

ამავე ცნობით, მოძრავი ავტომობილი გზიდან გადავიდა და გარე განათების ბოძს შეეჯახა.

მომხდარის შესახებ სხვა დამატებითი დეტალები ამ ეტაპზე უცნობია. შინაგან საქმეთა სამინისტრო მომხდარი ფაქტის შესახებ დეტალებს აზუსტებს.