„რა მალე იყიდებით ხოლმე?! აბა ახლა ვინმეს ეპარება ეჭვი, რომ თითქოს ეს ქსენოფობიური კამპანია სპონტანური გამოძახილი იყო?“ - ასე ეხმიანება ანალიტიკოსი ზურაბ ქადაგიძე ყოფილი თავდაცვის მინისტრის ირაკლი ოქრუაშვილის ფეისბუქ სტატუსს.

როგორც ქადაგიძე წერს, ეჭვი ორგანიზებულ კამპანიაში არავის უნდა ეპარებოდეს.

„რა მალე იყიდებით ხოლმე?! აბა ახლა ვინმეს ეპარება ეჭვი, რომ თითქოს ეს ქსენოფობიური კამპანია სპონტანური გამოძახილი იყო?.. ზუსტად დაგეგმილი და მართული რადიკალური ძალებისაგან, უბრალოდ ამან გაახმოვანა... სახელმწიფოს მტრობა და საბოტაჟი სხვა კი არაფერია? მეტი რით უნდა მოახერხონ დაძაბულობის პროვოცირება ამ მანქურთებმა?!” - წერს ქადაგიძე.

თავდაცვის ყოფილი მინისტრის, ირაკლი ოქრუაშვილის განცხადებით, „რამდენიმე რუსი ჩაძაღლდეს რუსული მუსიკის ფონზე გახურებულ ქართულ რესტორანში და მაგათი „დუხი“ აღარ იქნება აქ“.