ამერიკელი სენატორის მარკ რუბიოს განცხადების შემდეგ (დონალდ ტრამპის სახლის ჩხრეკასთან დაკავშირებით), კინორეჟისორი გოგა ხაინდრავა ინტერესდება საქართველოში ამერიკის საელჩოს პოზიციით: „აბა, უკუღმა მედასავლეთეებო, თქვენი კომენტარები. ე მანდ რა ხდება?! საელჩოს ოფიციალური პოზიციაც საინტერესოა ქართული საზოგადოებისთვის. სენატორი რუბიო, პუტინის გავლენის ქვეშ ხომ არ მოექცა?! ჰა?“ - კითხულობს გოგა ხაინდრავა „ტვიტერის“ საკუთარ გვერდზე.

რესპუბლიკელმა სენატორმა მარკო რუბიომ, ფლორიდის შტატში, პალმ ბიჩში მდებარე დონალდ ტრამპის სახლში  გამოძიების ფედერალური ბიუროს (FBI) მიერ 8 აგვისტოს ჩატარებული ჩხრეკის შემდეგ სოციალურ ქსელ „ტვიტერში“ დაწერა: „სახელმწიფო ძალაუფლების პოლიტიკური ოპონენტების დევნისთვის გამოყენება არის ის, რაც ბევრჯერ გვინახავს მარქსისტულ დიქტატურებში, თუმცა არასდროს გვინახავს ამერიკაში“.