„ეს არის მთელი ნაც-რადიკალთა მამოძრავებელი კამპანია და სურვილი. მთელი მოღვაწეობის მანძილზე სხვისი ხელით აკეთეს საქმე, სხვისი სისხლით იწერდნენ პოლიტიკურ ქულებს და თვითონ წითელ ხიდზე გარბოდნენ“, - ამ სიტყვებით ეხმაურება სოციალურ ქსელში ანალიტიკოსი ზურაბ ქადაგიძე ჟურნალისტ თენგო გოგოტიშვილის ფეისბუქ-პოსტს, რომლის თანახმად გოგოტიშვილი წერს, რომ უკრაინელებმა ყირიმში „ქართულ ოცნებას“ მეორე ფრონტის გახსნა დაასწრეს და იმისთვის, რომ საქართველოს სანქციები არ დაუწესონ, მმართველმა გუნდმა მესამე ფრონტის გახსნაზე უნდა იფიქროს.

„თან სერიოზულად ამბობს და თან „ღლიცინებს“, აბა როგორ დაიტესტება, რა რეაგირება ექნება?... არადა, ეს არის მთელი ნაც-რადიკალთა მამოძრავებელი კამპანია და სურვილი. მთელი მოღვაწეობის მანძილზე სხვისი ხელით აკეთეს საქმე, სხვისი სისხლით იწერდნენ პოლიტიკურ ქულებს და თვითონ წითელ ხიდზე გარბოდნენ... უბედურების შემთხვევაში, დიდი სიამოვნებით მიუსხდებიან ტელეეკრანებს და დაითვლიან გვამებს... ამათზე დიდი შიდა მტერი საქართველოს არასდროს ჰყოლია“, - წერს ზურაბ ქადაგიძე.