აფრიკაში , სიერა-ლეონეში ანტისამთავრობო საპროტესტო აქციის დროს რვა სამართალდამცავი გარდაიცვალა. ინფორმაციას CNN ავრცელებს.
გარდაცვლილთა შორის ექვსი კაცი და ორი ქალია.
ოთხშაბათს ასობით მომიტინგე გამოვიდა დედაქალაქ ფრიტაუნის ქუჩებში, რომელიც დასავლეთ აფრიკის ქვეყნებში ცხოვრების ხარჯების და ინფლაციის ზრდას აპროტესტებდა.
პროტესტმა ზოგ შემთხვევაში ძალადობრივი ფორმაც მიიღო. მძიმედ დაშავებული მომიტინგეებისა და უსაფრთხოების ძალების ზოგიერთი წევრის გრაფიკული სურათები და ვიდეო სოციალურ ქსელშიც ვრცელდება. დაფიქსირდა უსაფრთხოების ძალების მიერ მოქალაქეების მიმართულებით ცეცხლსასროლი იარაღიდან გასროლის ფაქტიც.