„ჯერ ხატია დეკანოიძე იყო ატეხილი, მე ისეთი მნიშვნელოვანი ობიექტი ვარ, ძალოვანი უწყებები დამდევენ, მითვალთვალებენ და მისმენენო. დეკანოიძემ სკანდალი ვერ ააგორა - ყურადღება არ მიაქციეს, არავინ დაუჯერა და იძულებული შეიქნა, ეს მეთოდი უარეყო. არ ვიცი, შეიძლება არც უარყო და უბრალოდ ესტაფეტა სხვას გადაულოცა!“ - ასე ეხმიანება ჟურნალისტი გელა ზედელაშვილი „ნაციონალური მოძრაობის“ დეპუტატის ნონა მამულაშვილის განცხადებას, რომლის თანახმად მამულაშვილი ირწმუნება, რომ მას სპეცსამსახურები უთვალთვალებენ.

როგორც ზედელაშვილი წერს, იმ ადამიანების თვალთვალზე, რომლებიც არაფერს წარმოადგენენ, რესურსი არ უნდა დაიხარჯოს:

„ატეხილები! ჯერ ხატია დეკანოიძე იყო ატეხილი, მე ისეთი მნიშვნელოვანი ობიექტი ვარ, ძალოვანი უწყებები დამდევენ, მითვალთვალებენ და მისმენენო. დეკანოიძემ სკანდალი ვერ ააგორა - ყურადღება არ მიაქციეს, არავინ დაუჯერა და იძულებული შეიქნა, ეს მეთოდი უარეყო. არ ვიცი, შეიძლება არც უარყო და უბრალოდ ესტაფეტა სხვას გადაულოცა! ახლა ეს ატყდა, ვინმე ნონა მამულაშვილი, რომელსაც საქართველოს პარლამენტში რა უნდა, არავინ იცის! ისაო... ამათ, ძალოვნებს ფსბ-ეს აგენტებისთვის სად სცალიათ, როცა დღეცა და ღამეც მე მყარაულობენო?! თანაც არ დაიბნა, მოთვალთვალეს სურათები გადაუღო და ეგრევე „ამხილა“! არც ამას გამოუვიდა საკითხის გასკანდალება, ესეც ჩაფლავდა - თურმე, ვინც ამას დასდევდა, უთვალთვალებდა და უსმენდა, ერთი ჩვეულებრივი ტაქსისტი ყოფილა! რომა ნაჭყებია იძახის, ვტაქსაობ, ხან კლიენტს ველოდები, ხან ამხანაგს, ხან ნაცნობს, ხან უცნობს, ბოლო-ბოლო, ვისი რა საქმეა, სად გავჩერდები და ვის დავურეკავო?! მე მგონი, ელემენტარულია! რომ გდიონ, გითვალთვალონ და გისმინონ, აზრი უნდა ჰქონდეს. დავუშვათ, გდიეს, გითვალთვალეს და გისმინეს - მერე? არც არაფერი! ამოცანაც გვეკითხება და ბარემ აქვე ვუპასუხოთ: რატომ უნდა დახარჯოს სახელმწიფომ ფული, დრო და ნერვები არაფერში? რატომ უნდა სდიონ ძალოვნებმა დღე და ღამე არაფერს? ეს ამათ სჭირთ მანია გრანდიოზა, თორემ ტაქსისტმა ვერც კი გაიხსენა, არც კი გაუგია, ვინ არის ნონა მამულაშვილი, რატომ დახტის ხოლმე პარლამენტში მაგიდაზე და რატომ იწევს სტუდიებში ადამიანებზე“,  - წერს გელა ზედელაშვილი.