უკრაინის პრეზიდენტის აპარატის უფროსის მრჩეველი ალექსეი არესტოვიჩი აცხადებს, რომ ომში სტრატეგიული ინიციატივა უკრაინის არმიას გადაეცა.

მისივე თქმით, უკრაინის არმიას დროებით ოკუპირებული ტერიტორიების გათავისუფლება შეუძლია.

„ამ ომში სტრატეგიული ინიციატივა უკრაინაში ხელში გადავიდა. უკრაინის არმიამ ჯერ კიდევ 2014 წელს დაამტკიცა, რომ მას შეუძლია ქალაქების გათავისუფლება მშვიდობიანი მოსახლეობის განადგურების გარეშე, როგორ ჩვენ ამ ომში გავათავისუფლეთ ბუჩა, ჰოსტომელი და ირპინი. მსგავსი რამ მოხდება ხერსონსა და ბევრ სხვა ადგილას“, - განაცხადა არესტოვიჩმა.