„რუსმა ოკუპანტებმა ზაპოროჟიეს ოლქში, ატომურ ელექტროსადგურთან ახლოს ქალაქი ენერგოდარი დაბომბეს. დაბომბვის შედეგად ზაპოროჟიეს ატომური ელექტროსადგურის თანამშრომელი  დაიღუპა“, - ამის შესახებ მერმა დმიტრო ორლოვმა განაცხადა.

მისი თქმით, დაბომბვის შედეგად მშვიდობიანი მოქალაქეები დაშავდნენ.

„14 აგვისტოს ოკუპანტების მიერ განზრახ განხორციელებულმა მკვლელურმა პროვოკაციებმა ენერგოდარში კიდევ ერთი ადამიანის სიცოცხლე შეიწირა“, - აცხადებს ენერგოდარის მერი.

მანამდე, ენერგოდარის ადგილობრივი მთავრობის წარმომადგენელმა მოქალაქეებს სიფრთხილისკენ და ქალაქის ქუჩებში გამოსვლისგან თავის შეკავებისკენ მოუწოდეს.

„დაშავებულია კიდევ ორი ​​თანამშრომელი, რომლებიც ენერგოდარის სპეციალიზებულ სამედიცინო და სანიტარიულ განყოფილებაში გადაიყვანეს“, - აღნიშნავს დმიტრო ორლოვი.