„რესპუბლიკელმა“ კონგრესმენმა და დონალდ ტრამპის კრიტიკოსმა, ადამ კინზინგერმა განაცხადა, რომ ამერიკაში პასტორები თავიანთი მრევლის მოლოდინს ვერ ამართლებენ, რადგან უამრავი ქრისტიანი დონალდ ტრამპს იესოსთან აიგივებს.

„ბოლო ერთი წლის განმავლობაში, დავრწმუნდი, რომ ადამიანებს ეშინიათ თავიანთი ტომიდან გაძევების. ასე რომ, ყველაფერს ეთანხმებით, რადგან ახლა რესპუბლიკანიზმი, კონსერვატიზმი, ტრამპიზმი თქვენი იდენტობა ხდება“, - აღნიშნა ადამ კინზინგერმა.

კონგრესმენის თქმით, ამერიკაში უამრავი პასტორი მრევლის მოლოდინს ვერ ამართლებს, მათ შორის იმის გამო, რომ უარს ამბობენ ისაუბრონ იმაზე, თუ რამდენად ცუდი და დამანგრეველია ტრამპიზმი.

„დღეს ჩვენ გვყავს ადამიანები, რომლებიც დონალდ ტრამპს იესო ქრისტეს პიროვნებასთან აიგივებენ. თუ დონალდ ტრამპის წინააღმდეგ გამოდიხართ, თქვენ იესოს, მათი ქრისტიანული ღირებულებების წინააღმდეგ გამოდიხართ. როდესაც მათ რელიგიას დევნით, ეს არღვევს მათი რაობის სიღრმისეულობას. მე ჩემი ტომიდან გამომაგდეს. არაუშავს“, - განაცხადა ადამ კინზინგერმა.