რუსი ოკუპანტების მიერ ხარკოვის დაბომბვის შედეგად მსხვერპლთა და დაშავებულთა რიცხვი გაიზარდა. ამის შესახებ ტელეგრამის საკუთარ გვერდზე ხარკოვის ხელმძღვანელი ოლეგ სინეგუბოვი იტყობინება.

„სალტოვკას დაბომბვის შედეგად დაღუპულთა და დაჭრილთა რიცხვი გაიზარდა: დაიღუპა 6 ადამიანი, დაშავდა 16", - წერს სინეგუბოვი.

თავის მხრივ, უკრაინის პრეზიდენტმა ვლადიმირ ზელენსკიმ განაცხადა, რომ მშვიდობიანი მოსახლეობის დაბომბვას არავითარი გამართლება არ აქვს.

მისივე თქმით, ეს არის აგრესორის უძლურების დემონსტრირება.