გაერო-ს გენერალური მდივანი ანტონიუ გუტიერეში ლვოვში ჩავიდა. 18 აგვისტოს ის ლვოვში უკრაინის პრეზიდენტ ვოლოდიმირ ზელენსკისა და თურქეთის პრეზიდენტს, რეჯეფ თაიფ ერდოღანს შეხვდება.

ლვოვიდან გაერო-ს გენერალური მდივანი ოდესაში გაემგზავრება, სადაც პორტს მოინახულებს.

შეგახსენებთ, 22 ივლისს სტამბოლში თურქეთისა და გაერო-ს შუამავლობით რუსეთმა და უკრაინამ შავი ზღვის გავლით უკრაინული მარცვლეულის ექსპორტის შესახებ შეთანხმებას მოაწერეს ხელი.