უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინაში თურქეთის პრეზიდენტის ვიზიტი მხარდაჭერის მნიშვნელოვანი გზავნილია.

„ლვოვში შეხვედრაზე რეჯეფ თაიფ ერდოღანთან განვიხილეთ მარცვლეულის ექსპორტის გაუმჯობესების შესაძლებლობები, ზაპოროჟიეს ატომური ელექტროსადგურის გარშემო არსებული ვითარება და [რუსი] ოკუპანტების მხრიდან ბირთვული შანტაჟი, დროებით ოკუპირებულ ტერიტორიაზე რუსეთის მიერ მარცვლეულის ფართომასშტაბური მოპარვა. ასევე შევეხეთ თავდაცვის სფეროში თანამშრომლობის საკითხებს“, - აღნიშნა უკრაინის პრეზიდენტმა.