18 აგვისტოს, საღამოს, ოკუპირებული ყირიმის ქალაქ ქერჩში აფეთქებები მოხდა.

ადგილობრივი საოკუპაციო ხელისუფლება ამტკიცებს, რომ იქ ანტისაჰაერო თავდაცვითი სისტემა ამუშავდა. ამასთან, ოკუპირებული ყირიმის ე.წ. მეთაურის მრჩეველმა ოლეგ კრიუჩკოვმა არ დააკონკრეტა, რატომ ამუშავდა საჰაერო თავდაცვა.

„წინასწარი ცნობით, ქერჩში ანტისაჰაერო თავდაცვითი სისტემა ამუშავდა. ქალაქსა და ქერჩის ხიდს საფრთხე არ ემუქრება“, – წერს კრიუჩკოვი.