18 აგვისტოს, საღამოს, აფეთქებების ხმა გაისმა ოკუპირებულ ყირიმში. სავარაუდოდ, აფეთქება რუსი დამპყრობლების უდიდეს ბელბეკის აეროდრომზე მოხდა, რომელიც სევასტოპოლის ჩრდილო-დასავლეთ ნაწილში მდებარეობს.

მოგვიანებით ბელბეკის ავიაბაზაზე რუსეთის საგანგებო სიტუაციების სამინისტროს მანქანა მივიდა.

გარკვეული პერიოდის შემდეგ, ინტერნეტში გამოჩნდა ვიდეო, რომელშიც ჩანს ხანძარი ბელბეკის ტერიტორიიდან, ისმის აფეთქების ხმები და საჰაერო თავდასხმის სიგნალი.

საოკუპაციო ხელისუფლებას აფეთქებებზე კომენტარი ჯერ არ გაუკეთებია. ბელბეკის აეროდრომი არის რუსი დამპყრობლების უდიდესი საჰაერო ბაზა დროებით ოკუპირებულ ყირიმში.