„ქართულ საზოგადოებას თვალში ნაცარს ვერავინ შეაყრის იმის მცდელობით, რომ თითქოს „სამართლიანი არჩევნები“ (ISFED) არის მიუკერძოებელი NGO. ეს არის მხარე, „ნაცენჯეო“, სააკაშვილის რევანშისტების დღის წესრიგის ტირაჟირების ერთ-ერთი გამხმოვანებელი“, - ასე ეხმიანება ანალიტიკოსი გია აბაშიძე აშშ-ის საელჩოს განცხადებას, რომლის თანახმად საელჩო აღნიშნავს, რომ ISFED-ის არდაშვება საარჩევნო რეფორმების პარლამენტის სამუშაო ჯგუფში პირდაპირ ეწინააღმდეგება ევროკომისიის რეკომენდაციას.

როგორც აბაშიძე აცხადებს, ხსენებულმა ორგანიზაციამ 2020 წლის საპარლამენტო არჩევნების ხმების პარალელური დათვლის (PVT) შედეგები გააყალბა და რამდენიმეკვირიანი ტურბულენტობა გამოიწვია ქართულ პოლიტიკურ ველზე და ოპოზიციას ხელისუფლების არალეგიტიმურობაზე აპელირების უაზრო საბაბი მისცა.

აბაშიძის განმარტებით, ამ სამარცხვინო ფაქტზე მაშინ რატომღაც დუმდნენ საგარეო აქტორები.

მისივე თქმით, ცალკეულმა საელჩოებმა უნდა გააცნობიერონ, რომ რეპუტაციაშელახული არასამთავრობო ორგანიზაციების რეკლამირება წყლის ნაყვის ტოლფასია საქართველოს საზოგადოებისთვის.

„პრეზიდენტ ბაიდენის ადმინისტრაციამ მიიტაცა ხელისუფლება; ევროკომისიის შემადგენლობა არალეგიტიმურია ანდა ბელგიის მინისტრთა კაბინეტი უნდა გადადგეს და საჭიროა შეიქმნას ტექნიკური მთავრობა“. საინტერესოა, ეს გზავნილები რომ მოესმინათ ვაშინგტონსა და ბრიუსელში, ადგილობრივი არასამთავრობო/არაკომერციული ორგანიზაციებისგან, იქაც ილაპარაკებდნენ ასეთების ჩართულობასა და ინკლუზიურობაზე? ქართულ საზოგადოებას თვალში ნაცარს ვერავინ შეაყრის იმის მცდელობით, რომ თითქოს „სამართლიანი არჩევნები“ (ISFED) არის მიუკერძოებელი NGO. ეს არის მხარე, „ნაცენჯეო“, სააკაშვილის რევანშისტების დღის წესრიგის ტირაჟირების ერთ-ერთი გამხმოვანებელი. ხსენებულმა ორგანიზაციამ 2020 წლის საპარლამენტო არჩევნების ხმების პარალელური დათვლის (PVT) შედეგები გააყალბა და რამდენიმეკვირიანი ტურბულენტობა გამოიწვია ქართულ პოლიტიკურ ველზე და ოპოზიციას ხელისუფლების არალეგიტიმურობაზე აპელირების უაზრო საბაბი მისცა.

ამ სამარცხვინო ფაქტზე მაშინ რატომღაც დუმდნენ საგარეო აქტორები. ISFED დღემდე ირწმუნება, რომ მოქმედი ხელისუფლება არალეგიტიმურია, საჭიროა „ტექნიკური მთავრობის“ ჩამოყალიბება და ამავდროულად უსინდისოდ ცდილობს საარჩევნო კოდექსის რეფორმებში მონაწილეობის მიღებას. ცალკეულმა საელჩოებმა უნდა გააცნობიერონ, რომ რეპუტაციაშელახული არასამთავრობო ორგანიზაციების რეკლამირება წყლის ნაყვის ტოლფასია საქართველოს საზოგადოებისთვის. აშშ-ის საელჩოს შევახსენებ, რომ თუნდაც IRI-სა და NDI-ის კვლევებში მათ მიერ დაფინანსებული NGO-ების მოწონების რეიტინგი = 0-ს“, - წერს აბაშიძე ფეისბუკზე.