უკრაინაში კიდევ ერთი ქართველი მებრძოლი, გელა გოგია დაიღუპა.

გელა გოგია სენაკიდან იყო. ოჯახის ინფორმაციით, ქართველი მებრძოლი კრამატორსკთან მიმდინარე შეტაკებებისას მძიმედ დაიჭრა და მისი გადარჩენა ვერ მოხერხდა. გელა გოგია წლების განმავლობაში უკრაინაში ოჯახთან ერთად ცხოვრობდა.

საგარეო საქმეთა სამინისტროში აცხადებენ, რომ უკრაინაში საქართველოს საელჩო აღნიშნული ფაქტის შესახებ ინფორმირებულია.

24 თებერვლის შემდეგ, უკრაინაში რუსეთის სამხედრო აგრესიას უკვე 19 ქართველი მებრძოლი ემსხვერპლა.