„საქართველოს ჭაბუკთა ნაკრებმა მსოფლიოს ჩემპიონატზე 2 ოქროს, 1 ვერცხლისა და 3 ბრინჯაოს მედალი მოიპოვა და ვაჟთა შორის გუნდური პირველი ადგილი დაიკავა“, - ინფორმაციას საქართველოს ძიუდოს ფედერაცია ავრცელებს.

საქართველოს ნაკრებისთვის მსოფლიოს ჩემპიონატზე მოპოვებული 6 მედალი სარეკორდოა.

მსოფლიო ჩემპიონები გახდნენ საბა სამადაშვილი და დავით ქარელი, მეორე ადგილზე ლუკა ჯავახიშვილი გავიდა, ბრინჯაოს მედლებს კი დავით ლომიტაშვილი, საბა საბაშვილი და გიორგი მიშველიძე დაეუფლნენ.