უკრაინის პრეზიდენტის აპარატის უფროსის მრჩეველი მიხაილო პოდოლიაკი აცხადებს, რომ უკრაინა ფრონის ყველა მიმართულებით წარმატებით უტევს.

მისივე თქმით, კონტრშეტევა მიმდინარეობს არამარტო უკრაინის სამხრეთში, არამედ აღმოსავლეთშიც.

„მინდა აღვნიშნო, რომ დღეს ეს ხდება არამარტო სამხრეთში, არამედ მელიტოპოლისა და ხარკოვის მიმართულებით, ასევე დონეცკ-ლუგანსკის მიმართულებით. რატომ ვაკეთებთ ამას?  იმიტომ, რომ ისინი პანიკურად დაიქსაქსონ ფრონტის მთელ ხაზზე, დაფიქრდნენ, სად დაესხმება მათ თავს დღეს უკრაინა. ჩვენ მთელი ფრონტის გასწვრივ მივიწევთ წინ“, - აღნიშნა პოდოლიაკმა.