„რუსი ოკუპანტები უაღრესად დემორალიზებულები არიან. დამპყრობლების დიდი რაოდენობა ნარკოტიკების ზემოქმედების ქვეშ მიდის თავდასხმებზე“, - ამის შესახებ ლუგანსკის რეგიონალური სამხედრო ადმინისტრაციის ხელმძღვანელმა სერგეი გაიდაიმ განაცხადა.

„დემორალიზაცია ძალიან სერიოზულია. სრული პასუხისმგებლობით შემიძლია ვთქვა, რომ ახლად მობილიზებული ადამიანების დიდი ნაწილი ნარკოტიკების ზემოქმედების ქვეშ მიდიან შეტევაზე“, - აღნიშნა  ლუგანსკის რეგიონალური სამხედრო ადმინისტრაციის ხელმძღვანელმა.

გაიდაის თქმით, რუსებს შეუძლიათ გამოიყენონ დიდი რაოდენობით ტკივილგამაყუჩებლები ან სხვა ნარკოტიკული ნივთიერებები.

„ჩვენ გვარდიელებს არაერთხელ უნახავთ ნარკოტიკული საშუალებების ზემოქმედების ქვეშ მყოფი სამხედროები“, - დასძინა სერგეი გაიდაიმ.