დნეპროპეტროვსკის ოლქში, ზელენოდოლსკის დასახლებაში რუსი სამხედროების მიერ გახსნილ ცეცხლს 9 წლის ბავშვის სიცოცხლე ემსხვერპლა, დაშავებულია 10 ადამიანი, - ამის შესახებ ინფორმაციას დნეპროპეტროვსკის სამხედრო საოლქო ადმინისტრაციის ხელმძღვანელი ვალენტინ რეზნიჩენკო ავრცელებს.

„რუსებმა ცხრა წლის ბიჭი მოკლეს. მათ ორჯერ გაუხსნეს ცეცხლი „ურაგანებიდან“ ზელენოდოლსკის დასახლებას. წინასწარი მონაცემებით, 10 ადამიანი დაშავდა. ყველა საავადმყოფოშია. უმრავლესობა მძიმედ არის“, – აღნიშნავს რეზნიჩენკო.

მისივე ინფორმაციით, მომხდარის შედეგად დასახლებაში დაზიანებულია მრავალსართულიანი საცხოვრებელი სახლები, საბავშვო ბაღი, სასწავლო კოლეჯი და მაღაზიები.