უკრაინის პრემიერ-მინისტრი დენის შმიგალი გერმანიაში იმყოფება. ის ქვეყნის კანცლერს ოლაფ შოლცს შეხვდა. შმიგალი ტვიტერზე წერს, რომ შეხვედრაზე ყურადღება გამახვილდა თავდაცვისუნარიანობის გაძლიერებაზე და უკრაინის შემდგომ ყოვლისმომცველ მხარდაჭერაზე.

„გერმანიის კანცლერ ოლაფ შოლცთან განვიხილე თავდაცვის შესაძლებლობების გაძლიერება და უკრაინის შემდგომი ყოვლისმომცველი მხარდაჭერა. დღის წესრიგში დგას ევროპის ენერგეტიკული უსაფრთხოება. შევთავაზეთ ევროკავშირისა და გაეროს სპეციალური მისიის გაგზავნა ზაპოროჟიეს ატომურ ელექტროსადგურზე“, - წერს შმიგალი ტვიტერზე.