ნიდერლანდებში, ქალაქ ჰაარლემის მთავრობა 2024 წლიდან საჯარო სივრცეებში ხორცის ყველანაირი რეკლამის აკრძალვას გეგმავს. ამის შესახებ BBC წერს.

გამოცემის ინფორმაციით, ინიციატივის ავტორი მწვანეთა პარტია GroenLinks-ია. აკრძალვის საჭიროებას ისინი კლიმატის ცვლილებას უკავშირებენ - გაეროს მონაცემებით, საქონელზე ადამიანის საქმიანობით გამოწვეული სათბური გაზის 14% მოდის.

„ხორცი ძალიან აზიანებს გარემოს. არ შეიძლება ხალხს ვეუბნებოდით, რომ კლიმატური კრიზისი გვაქვს და იმ პროდუქტების ყიდვისკენ მოვუწოდოთ, რომლებიც ამ პრობლემის ნაწილია“, - აცხადებს GroenLinks-ის წარმომადგენელი ზიგი კლაზესი.

ხორცის მწარმოებლები და მემარჯვენეები ინიციატივას აკრიტიკებენ. მათ მიაჩნიათ, რომ აკრძალვა „წარმოებს თავისუფლების მიუღებელი შეზღუდვა“ იქნება.

ხორცს ნიდერლანდების მოსახლეობის 95% ჭამს, თუმცა ის ნახევარზე მეტის ყოველდღიურ რაციონში არ შედის.