„სასწრაფოდ აღიძრას საქმე უცხო ქვეყნის მოქალაქეების მიერ საქართველოში სახელმწიფო გადატრიალების მომზადების მუხლით!“ - ასე ეხმიანება ორგანიზაცია „აი ია“-ს თანადამფუძნებელი ვატო შაქარიშვილი თბილისში გამართულ „დიდება უკრაინას“ კონფერენციას.

როგორც შაქარიშვილი წერს, გადატრიალების მოწყობის ამაზე მეტი მტკიცებულება ბუნებაში ფიზიკურად ვერ იარსებებს.

„სასწრაფოდ აღიძრას საქმე უცხო ქვეყნის მოქალაქეების მიერ საქართველოში სახელმწიფო გადატრიალების მომზადების მუხლით!!! ქვეყანაში ჩამოსულია ათეულობით უცხოელი, რომლებიც ღიად ლაპარაკობენ რევოლუციურ სცენარზე. ქართული გვარის მქონე, სააკაშვილის შემდეგ ყველაზე დიდი არაქართველი არახამია აცხადებს, რომ ის დაეხმარება ოპოზიციას ძალაუფლების აღებაში! ფიზიკურად ვერ იარსებებს ამაზე მეტი მტკიცებულებები!“ - წერს შაქარიშვილი.