„რუსეთმა უკრაინაში მიმდინარე ომში თავისი სახმელეთო ჯარების 80% ჩართო“, - ამის შესახებ ბრიუსელში, აშშ-ის სახელმწიფო მდივანთან ერთობლივ პრესკონფერენციაზე ნატოს გენერალურმა მდივანმა, იენს სტოლტენბერგმა განაცხადა.

„ყველაფერი, რაც უკრაინაში ხდება, ძალიან მნიშვნელოვანია იმ კუთხით, თუ რამდენად ექნება რუსეთს შესაძლებლობა, ნატოს რომელიმე წევრ ქვეყანას დაემუქროს. ასე რომ, ჩემი პირველი გზავნილი ალიანსის წევრებისადმი ასეთია: მივესალმებით უპრეცედენტო მხარდაჭერას, მოვუწოდებთ მხარდაჭერის გაზრდისთვის და საკუთარი მარაგების კიდევ უფრო კარგად შესწავლისთვის, რათა გავაგრძელოთ უკრაინისთვის იმის მიწოდება, რაც მას ახლა სჭირდება“, - განაცხადა სტოლტენბერგმა.