გერმანიის საგარეო საქმეთა მინისტრი ანალენა ბერბოკი კიევში ჩავიდა. ეს არის გერმანიის საგარეო უწყების ხელმძღვანელის მეორე ვიზიტი უკრაინაში რუსეთის შეჭრის შემდეგ.

ბერბოკმა განაცხადა, რომ მისი ყოფნა ქვეყანაში მიზნად ისახავს იმის ჩვენებას, რომ გერმანია გააგრძელებს უკრაინის გვერდით დგომას მანამ, სანამ ეს დასჭირდება იარაღის მიწოდებით, ასევე ჰუმანიტარული და ფინანსური მხარდაჭერით.

„ჩემთვის გასაგებია, რომ პუტინი ფსონს დებს, ჩვენ დავიღლებით უკრაინის ტანჯვის თანაგრძნობით. მას სჯერა, რომ შეუძლია ჩვენი საზოგადოებების გაყოფა სიცრუით და ენერგიის მარაგით მათი შანტაჟით, და რომ მას შეუძლია, გამოგვაცალოს ენერგია, რომ დავიცვათ თავი ამ სასტიკი თავდასხმისგან ჩვენ ყველა ფასეულობებზე. პუტინის გათვლა არასწორი იყო, რადგან მთელმა ევროპამ იცის, რომ უკრაინა იცავს ჩვენს მშვიდობიან წესრიგს“, – განაცხადა გერმანიის საგარეო საქმეთა მინისტრმა.

ანალენა ბერბოკი უკრაინის საგარეო საქმეთა მინისტრთან, დმიტრო კულებასთან შეხვედრას გეგმავს, თუმცა, მისი ზუსტი განრიგი გასაიდუმლოებულია უსაფრთხოების მიზეზების გამო.