„Deep-ნოდარამ“ შაბათის ზღაპრებში მოგვიყვა, თუ როგორ გადაადგილდებოდა მისი პირადი „ჩიტი“ ვლადიკავკაზში და ათანხმებდა კონსპირაციულ შეხვედრას“, - ასე ეხმიანება ანალიტიკოსი ზურაბ ქადაგიძე ნოდარ მელაძის მიერ შს მინისტრ ვახტანგ გომელაურზე მომზადებულ სიუჟეტს.

როგორც ქადაგიძე აღნიშნავს, ჩიტიან-პატრონიანად დისკრედიტირებულები ვერავის ვერაფერს დააკლებენ.

„Deep-ნოდარამ“ შაბათის ზღაპრებში მოგვიყვა, თუ როგორ გადაადგილდებოდა მისი პირადი „ჩიტი“ ვლადიკავკაზში და ათანხმებდა კონსპირაციულ შეხვედრას... მერე გამოიყვანა ნოდარიკომ თავისი ჩიტის ჩიტი და ის ჰყვება, მე მხოლოდ მძღოლი ვიყავი, პირადად შეხვედრებზე არ ვყოფილვარ, მაგრამ ვიცი მაღალი რანგის რუსი ჩინოვნიკები იყვნენო... ეს მეორე ჩიტი ამბობს-ვლადიკავკაზში კერძო სახლში მოხდა შეხვედრაო, ნოდარიკომ კი სპორტულ კომპლექსშიო... ბოლოს რუსებმა საქართველოში საჩუქრები ჩამოიტანეს „ეფესბეს“ ინიციალებითო და ერთი მაინტერესებს ან პირველ ჩიტს, ან ამ მეორეს ერთი ეგზემპლარიც არ დარჩათ ჩვენთვის რომ ენახებინათ უფრო დამაჯერებლობისთვის?... ეეჰ ნოდარ, დაგიძველდა დრამატურგია. ისევ იგივე მუსიკას ადებ კადრებს და ისევ ის ყავლგასული ჩიტი გიყვება ზღაპრებს,რომელსაც ვეღარ ასაღებ... P.S. მთელი ეს „deep-დრამატურგია“ რომ ძალოვანი უწყების ხელმძღვანელის ვახტანგ გომელაურის დისკრედიტირებისთვისაა შექმნილი, ეგეც კარგად ჩანს. ყველაფერს ცდილობთ, რომ როგორმე ზიანი მიაყენოთ ადამიანს, რომელიც წლებია პატიოსნად ემსახურება საქართველოს უსაფრთხოებას და რეპუტაცია შეულახოთ მას, როგორც საკუთარი საქმის პროფესიონალს... თუმცა თქვენ, ჩიტიან-პატრონიანად დისკრედიტირებულები ვერავის, ვერაფერს დააკლებთ თქვენი შეხმატკბილებული ჟღურტულით“, - წერს ქადაგიძე.