როგორც სააგენტო  „ანადოლუ" იუწყება აშშ-ის დელეგაციამ, რომელიც თურქეთში ფეთჰულა გიულენის ექსტრადირების შესაძლებლობას განიხილავს, თურქულ მხარესთან ანკარაში მოლაპარაკებები დაიწყო.

აშშ-ის დელეგაციის შემადგენლობაში იუსტიციის სამინისტროს სამი წარმომადგენელი და სახელმწიფო დეპარტამენტის მიერ მივლენილი ერთი პირი შედის. მოლაპარაკება ორ დღეს უნდა გაგრძელდეს.

 ამერიკული მხარე ანკარისგან სახელმწიფო გადატრიალების მცდელობასთან გიულენის კავშირის დამადასტურებელი მასალების მიწოდებას ითხოვს.