„ხვალ ძალიან რთული შეხვედრა იქნება, მინდა ჩვენს ბიჭებს წარმატება ვუსურვო. ძალიან დიდია მოტივაცია თითოეულ მათგანში, რომ იყვნენ წარმატებულები და ჩვენი ქვეყანა ასახელონ. რთულია ფეხბურთი პროგნოზი გააკეთო, თუმცა, ძალიან დიდი შანსი გვაქვს წარმატების“, - ამის შესახებ დედაქალაქის მერმა, კახა კალაძემ გადაცემა „იმედი live“-ში საქართველო-ჩრდილოეთ მაკედონიის საფეხბურთო მატჩზე საუბრისას განაცხადა.

„სპორტს, ქვეყანაში ყოველთვის დიდი გულშემატკივარი ჰყავს, თუმცა ფეხბურთი ყველასთვის განსაკუთრებულია. ძალიან მიხარია, რომ ბოლო წლების განმავლობაში საფეხბურთო მიმართულება გამოცოცხლდა, ბევრი მნიშვნელოვანი რეფორმა გაკეთდა, ამაში ხელისუფლების მხარდაჭერა ფინანსური თვალსაზრისით ძალიან მნიშვნელოვანი იყო. თუ ფეხბურთში არ გაქვს ინფრასტრუქტურა და არ ვითარდები ამ მიმართულებით, შეუძლებელია წარმატებული იყო. შემთხვევით არ არის ბოლო წლების წარმატება, ახალი, საინტერესო ფეხბურთელების წამოსვლა“, - განაცხადა კახა კალაძემ.