კასპის მუნიციპალიტეტის 6 სოფელში გარე გამოყენების ფიტნეს ტრენაჟორების მოწყობის სამუშაოები განხორციელდა.

ტრენაჟორები სოფელ კოდისწყაროში, ყარაფილაში, თვაურებში, ქვემო გომში, ქვემო ჭალასა და თეზში „სოფლის მხარდაჭერის პროგრამის ფარგლებში მოეწყო.

პროექტში გათვალისწინებული იყო  სავარჯიშო მოედნის, ფანჩატურის და სპორტული ტექნიკის მოწყობა.

გარე გამოყენების ფიტნეს ტრენაჟორების მოთხოვნა მოსახლეობამ სოფლის კრებაზე დააყენა.

სპორტული სივრცის - ფიტნესის ტრენაჟორების მოწყობის მიზანი მუნიციპალიტეტში ჯანსაღი ცხოვრების წესის დამკვიდრება და ხელშეწყობაა.