აშშ-ის პრეზიდენტის ჯო ბაიდენის ადმინისტრაციამ პირადად გააფრთხილა კრემლი, რომ უკრაინის წინააღმდეგ ომში ბირთვული იარაღის გამოყენებას, კატასტროფული შედეგები მოჰყვება. ამის შესახებ აშშ-ის ეროვნული უსაფრთხოების მრჩეველმა ჯეიკ სალივანმა განაცხადა.

სალივანმა თქვა, რომ ბირთვული საფრთხეები „უაღრესად სერიოზულად უნდა იქნეს აღქმული“.

„ჩვენ კრემლს ვუთხარით, რომ ბირთვული იარაღის ნებისმიერ გამოყენებას კატასტროფული შედეგები მოჰყვება და შეერთებული შტატები და ჩვენი მოკავშირეები მტკიცე პასუხს გასცემენ რუსეთს. ჩვენ ძალიან ნათლად და დეტალურად ავუხსენით მათ თუ რა შედეგი შეიძლება დადგეს“, - განაცხადა სალივანმა.