უნგრეთის პრემიერ-მინისტრმა, ვიქტორ ორბანმა განაცხადა, რომ უნგრეთი უნდა მოემზადოს მეზობელ უკრაინაში ხანგრძლივი ომისთვის.

ვიქტორ ორბანის თქმით, რუსეთის წინააღმდეგ დაწესებული სანქციები ევროპის ეკონომიკას დარტყმას აყენებს.

„თამამად შეგვიძლია ვთქვათ, რომ სანქციების შედეგად, ევროპელი ხალხი გაღარიბდა, რუსეთი კი მუხლებზე არ დაეცა. ამ იარაღმა [სანქციებმა] საპირისპირო შედეგი გამოიღო“, - აღნიშნა უნგრეთის პრემიერ-მინისტრმა.

„ჩვენ ველოდებით პასუხს, მთელი ევროპა ელოდება პასუხს ბრიუსელისგან, რამდენ ხანს გავაგრძელებთ ამას“, - განაცხადა ვიქტორ ორბანმა.