რუსეთის პრეზიდენტმა, ვლადიმირ პუტინმა ედვარდ სნოუდენს რუსეთის მოქალაქეობა მიანიჭა. ინფორმაციას ამის შესახებ სააგენტო Reuters ავრცელებს.

2013 წელს, ედვარდ სნოუდენი აშშ-დან გაიქცა და ამერიკელ და უცხოელ მოქალაქეებზე თვალთვალის სისტემა გაასაჯაროვა, რომელიც NSA-მ (ეროვნული უსაფრთხოების სააგენტომ) და CIA-მ (ცენტრალური სადაზვერვო სააგენტო) შექმნეს.

ედვარდ სნოუდენი რუსეთში ცხოვრობს. რუსეთის ხელისუფლებამ მას თავშესაფარი და ცხოვრების უფლება მისცა.