რუსული ესტრადის ვარსკვლავმა ალა პუგაჩოვამ ორ შვილთან ერთად რუსეთი კვლავ დატოვა. ის ისრაელში გაფრინდა, სადაც მისი მეუღლე, მაქსიმ გალკინი ცხოვრობს. ინფორმაციას starhit.ru ავრცელებს.

73 წლის მომღერალი ისრაელში ვნუკოვოს აეროპორტიდან გაფრინდა.

ვრცელდება ინფორმაცია, რომ მას გაფრენისას უკან დასაბრუნებელი ბილეთი არ ჰქონია.

18 სექტემბერს ალა პუგაჩოვამ ინსტაგრამში უკრაინის ომის საწინააღმდეგო სტატუსი გამოაქვეყნა. გარდა ამის, მან „უცხო ქვეყნის აგენტების“ სიაში საკუთარი თავის ჩაწერაც მოითხოვა, როგორც ეს რუსეთის იუსტიციის სამინისტრომ მანამდე მისი ქმრის, მაქსიმ გალკინთან დაკავშირებით გააკეთა.

„მივმართავ იუსტიციის სამინისტროს, გთხოვთ ჩემი საყვარელი ქვეყნის უცხოური აგენტების სიაში შემიყვანოთ, რადგანაც ჩემს მეუღლეს სრულ სოლიდარობას ვუცხადებ, რომელიც არის წესიერი, სამართლიანი და გულახდილი ადამიანი. ის არის რუსეთის ნამდვილი პატრიოტი, რომლის მოქრთამვა შეუძლებელია და რომელიც რუსეთს განვითარებას და აყვავებას უსურვებს და არა ჩვენი ბიჭების დაღუპვას ილუზორული მიზნებისთვის, რომელიც ჩვენს ქვეყანას გარიყულად აქცევს და ჩვენი მოქალაქეების ცხოვრებას დაამძიმებს“, - დაწერა პუგაჩოვამ.

„პუგაჩოვას აჯანყებას“ ბევრი გამოხმაურება მოჰყვა. ექსპერტების უდიდესი ნაწილი თანხმდებოდა იმ აზრზე, რომ რუსული ესტრადის პრიმადონას ასეთი პოსტის შემდეგ ქვეყნიდან წასვლა მოუწევდა.

 https://www.starhit.ru/novosti/alla-pugacheva-s-detmi-uehala-v-izrail-bez-obratnogo-bileta-287451/