კანადის საგარეო საქმეთა მინისტრი მელანი ჯოლი უკრაინის მიერ ჩრდილოატლანტიკურ ალიანსში დაჩქარებული გაწევრიანების შესახებ განცხადების შეტანას გამოეხმაურა. 

ჯოლიმ აღნიშნა, რომ ოტავა უკრაინის NATO-ში მიღებას მხარს უჭერს.

„უკრაინის NATO-ში გაწევრიანებასთან დაკავშირებით ჩვენი პოზიცია უცვლელი რჩება: ჩვენ გვჯერა NATO-ს ღია კარის პოლიტიკის და ყოველთვის მხარს ვუჭერთ უკრაინის ალიანსში გაწევრიანებას“, - განაცხადა ჯოლიმ.

ცნობისთვის, უკრაინამ NATO-ში დაჩქარებული გაწევრიანების შესახებ განაცხადი შეიტანა.