ანალიტიკოსი ზაალ ანჯაფარიძე იურიდიული ფირმა „MKD“-ის პრესრელიზს ეხმიანება სინგაპურში მიმდინარე სასამართლო პროცესისა და მასთან დაკავშირებული გარემოებების შესახებ.

მისი თქმით, ძალიან მძიმე წასაკითხი და აღსაქმელია ეს ისტორია.

„ძალიან მძიმე წასაკითხი და აღსაქმელია ეს ისტორია, ფინანსურ და სამართლებრივ ლაბირინთებში არ შევდივარ. „ძარცვა შვეიცარიულად“, ან „როგორ მოვპაროთ მდიდარს მილიონები“ და ა.შ. ფილმის სიუჟეტადაც კი გამოდგებოდა იმის საჩვენებლად, თუ სადამდე დავიდა ნაქები შვეიცარიული საბანკო სისტემა. პოლიტიკა და საბანკო საქმიანობა უკვე ისე მჭიდროდ გადაეჭდო ერთმანეთს, რომ ბიძინა ივანიშვილის ქეისი შეიძლება ამის ქრესტომათიული მაგალითიც კი აღმოჩნდეს“, - წერს ანჯაფარიძე ფეისბუქზე.